Virus: కొత్త ప్రమాదాలు? లక్షకు పైగా వెలుగు చూడనున్న వైరస్ లు

0
300

సిద్దమవుతున్న వైరస్ నిఘా వ్యవస్థ

కంప్యూటింగ్ టెక్నాలజీ అభివృద్ధి తో అద్భుతాలు సాధిస్తున్న జన్యు పరిశోధనలు

Virus surveillance Getting Ready: పాత జన్యు డేటాలో 100,000 విలక్షణ వైరస్‌లను గుర్తించిన కంప్యూటర్లు భవిష్యత్ ముప్పు కు సంబంధించిన ఆధారాలు ఇప్పటికే ఉన్న జెనోమిక్ డేటాబేస్‌లలో దాగి ఉండవచ్చుఒక్క వైరస్ దెబ్బకు ప్రపంచ ఆర్థిక వ్యవస్థ కుంగి పోయింది. లక్షలాదిమంది ప్రజలు చనిపోయారు. అటువంటిది ఇంకా తెలియని ట్రిలియన్ల కొద్దీ వైరస్‌లు ఉన్నాయని వైరాలజిస్టులు అంచనా వేస్తున్నారు, వీటిలో చాలా వరకు ప్రాణాంతకం కావచ్చు లేదా మరో మహమ్మారిని రేకెత్తించే సామర్ధ్యం కలిగిన వైరస్ లు కావచ్చని అంచనా వేస్తున్నారు.

తాజాగా సుదీర్ఘమైన వైరస్ ల జాబితాను అధ్యయనం చేయటానికి సిద్ధమవుతున్నారు. ఇప్పటికే ఉన్న జెనోమిక్ డేటాను మందించడం ద్వారా శాస్త్రవేత్తలు 100,000 కంటే ఎక్కువ విలక్షణ వైరస్‌లను కనుగొన్నారు, ఇందులో తొమ్మిది కరోనావైరస్లు మరియు కాలేయాన్ని దెబ్బ తీసే హెపటైటిస్ డెల్టా వైరస్‌కు సంబంధించిన 300 కంటే ఎక్కువ ఉన్నాయి. నేషనల్ సెంటర్ ఫర్ బయోటెక్నాలజీ ఇన్ఫర్మేషన్ యొక్క నేషనల్ లైబ్రరీ ఆఫ్ మెడిసిన్‌లో బయోఇన్ఫర్మేటిషియన్ గా పని చేస్తున్న రోడ్నీ బ్రిస్టర్ మాట్లాడుతూ, “భావి పరిశోధనలకు ఈ సమాచారం ఓ పునాది పని.

దీని ద్వారా DNAకి బదులుగా RNA ఆధారిత జన్యు పరీక్షలకు అవకాశం కల్పించే వైరస్‌ల సంఖ్య విస్తరిస్తుంది. ” ఈ జీవుల సమూహం గురించి మనకు ఏమాత్రం అవగాహన లేకపోవడాన్ని కూడా తాజా సమాచారం గుర్తు చేస్తుంది.” అని వ్యాధి పర్యావరణ శాస్త్రవేత్త పీటర్ దస్జాక్ చెప్పారు. దస్జాక్ ఈకోహెల్త్ అలయన్స్ అధ్యక్షుడు గా పని చేస్తున్నారు. ఈ సంస్థ న్యూయార్క్ నగరంలోని ఒక లాభాపేక్షలేని పరిశోధనా బృందం. వైరస్‌ల గురించి ప్రపంచవ్యాప్త సర్వేను ప్రారంభించేందుకు నిధులు సేకరిస్తోంది.

ఈ పని పెటాబైట్ జెనోమిక్స్ అని పిలవబడే వాటిని ప్రారంభించడంలో కూడా సహాయపడుతుంది-గతంలో ఊహించలేని DNA మరియు RNA డేటా యొక్క విశ్లేషణలు చేయటానికి ఉపయోగించే ప్రక్రియ పెటా బైట్ గణాంక ప్రక్రియ. (ఒక పెటాబైట్ అంటే 1015 బైట్లు.)2020 ప్రారంభంలో ఉద్యోగాల మధ్య ఉన్నప్పుడు జీవ గణాంక శాస్త్రవేత్త ఆర్టెమ్ బాబియన్ ఈ విషయం గురించి ఆలోచించలేదు. COVID-19 మహమ్మారిని ప్రారంభించిన వైరస్‌ను పక్కన పెడితే అందుబాటులో ఉన్న జన్యు సమాచారాన్ని ఉపయోగించి ఎన్ని కరోనావైరస్లు తెలుసుకోవచ్చు, ఎన్ని ఉన్నాయన్న దానిపై ఆసక్తిగా ఉన్నాడు.

అతను మరియు స్వతంత్ర సూపర్‌కంప్యూటింగ్ నిపుణుడు జెఫ్ టేలర్ U.S. నేషనల్ ఇన్‌స్టిట్యూట్ ఆఫ్ హెల్త్ ద్వారా అప్‌లోడ్ చేయబడి గ్లోబల్ సీక్వెన్స్ డేటాబేస్‌లో నిక్షిప్తంగా ఉన్న సమాచారాన్ని జెనోమిక్ డేటాను శోధించారు. ప్రస్తుతానికి, డేటాబేస్ 16 పెటాబైట్‌ల జన్యు క్రమాలను నిక్షిప్తం చేసి ఉంచారు. ఇవి ఫుగు చేపలు, వ్యవసాయ క్షేత్రాలు, మానవ శరీర లోపలి భాగాలకు సంబంధించిన జన్యు సర్వేల నుండి వచ్చాయి. (యునైటెడ్ స్టేట్స్‌లోని ప్రతి వ్యక్తి యొక్క డిజిటల్ ఫోటోతో కూడిన డేటాబేస్ భద్రపరిస్తే ఎంత సైజు ఉంటుందో ఈ 16 జన్యు క్రమాల సమాచారం అంత సైజులో ఉంటుంది.)

ఈ నమూనాలలోని వివిధ జీవులకు సోకే వైరస్‌ల జన్యువులు కూడా సీక్వెన్సింగ్ ద్వారా సంగ్రహించబడతాయి, అయితే అవి సాధారణంగా కనిపించేవి కావు. కోట్ల సంఖ్యలో పోగు పదుతున్న జన్యు క్రమాల సమాచారాన్ని జల్లెడ పట్టడానికి, క్లౌడ్-ఆధారిత డేటాను శోధించడానికి ప్రత్యేకమైన కంప్యూటర్ సాధనాలను బాబాయన్ మరియు టేలర్ రూపొందించారు. అనేకమంది బయోఇన్ఫర్మేటిషియన్ల సహాయంతో, కొంతమంది అంకితభావంతో పనిచేసిన సహయకులు ఈ బృందంలో ఉన్నారు. అనూహ్య వేగంతో విశ్లేషణను “ఎవరికీ సాధ్యం కానంత వేగంగా” చేయడానికి తమ సాఫ్ట్‌వేర్‌లో కొన్ని మార్పులు, సర్దుబాట్లు కూడా చేశారు. బాబయన్ ఇప్పుడు కేంబ్రిడ్జ్ విశ్వవిద్యాలయంలో పని చేస్తున్నారు.

వారు అనతికాలంలోనే వైరస్ ల కోసం సాగిస్తున్న వేటను కరోనావైరస్ ల పరిధికి మించి విస్తరించారు. క్లౌడ్‌లోని మొత్తం డేటాను వెతుకుతున్నారు. బాబయన్ మరియు సహచరులు RNA-ఆధారిత RNA పాలిమరేస్ తో పోల్చగల కేంద్ర జన్యువులను గుర్తించటానికి తమ పరిశోధన సాగిస్తున్నారు. ఇది అన్ని రకాల RNA ఆధారిత వైరస్‌ల నమూనాలను పోలి ఉంటుంది. అలాంటి వైరస్‌లలో కేవలం కరోనా వైరస్‌లు మాత్రమే కాకుండా ఫ్లూ, పోలియో, మీజిల్స్ మరియు హెపటైటిస్‌లకు కారణమయ్యేవి కూడా ఉన్నాయి.రోజుకి పది లక్షల జన్యు సమాచారాలు విశ్లేషించటానికి వీలైన ఏర్పాట్లు సిద్దం చేశారు బాబయన్.

ఈ ఆధునిక ప్రయోగాల ద్వారా ఒక్కో డేటా సెట్‌ను విశ్లేషించటానికి కేవలం 1 సెంట్ (డాలర్ విలువ లో ఒకటో వంతు) తక్కువ ఖర్చు అవుతుందని అంచనా. “ఇది ఆకట్టుకునే అద్భుతమైన ఇంజనీరింగ్ ఫీట్,” అని అధ్యయనంలో పాలుపంచుకోని డేవిస్‌లోని కాలిఫోర్నియా విశ్వవిద్యాలయంలో బయోఇన్ఫర్మేటిషియన్ అయిన C. టైటస్ బ్రౌన్ చెప్పారు. పరిశోధకులు చివరికి పూర్తి చేసిన తర్వాత, వారు దాదాపు 132,000 RNA వైరస్‌ల పాక్షిక జన్యు క్రమాలను కనుగొన్నట్టు నేచర్ పత్రికలో రాసిన పరిశోధన వ్యాసంలో వెల్లడించారు.

ఈ బృందం రూపొందించిన కొత్త డేటాబేస్ లో ప్రతి కొత్త వైరస్ యొక్క పూర్తి క్రమాన్ని లేదు. అనేక సందర్భాలలో, కోర్ ఎంజైమ్ ను గుర్తించటానికి కావాల్సిన జన్యువు మాత్రమే ఉంటుంది. కానీ వివిధ వైరస్‌లు ఎలా సంబంధం కలిగి ఉన్నాయో మరియు అవి ఎలా అభివృద్ధి చెందుతాయో వెల్లడించేలా వైరస్ వంశ వృక్షాలను నిర్మించడానికి పరిశోధకులు ఈ పాక్షిక సమాచారాన్ని ఉపయోగించవచ్చు. నిర్దిష్ట వైరస్ ఎక్కడ కనుగొనబడిందో మరియు దాని హోస్ట్ ఏమిటో తెలుసుకోవడానికి వారు డేటాబేస్‌ను కూడా ఉపయోగించవచ్చు. మరియు కొన్ని ఆవిష్కరణలు పరిశోధకులకు మానవ వ్యాధికారకాలు ఎలా ఉత్పన్నమవుతాయో బాగా అర్థం చేసుకోవడానికి సహాయపడతాయని లేదా వైరల్ ఇన్ఫెక్షన్లను గుర్తించటానికి అవసరమైన రోగనిర్ధారణ పరీక్షలను మెరుగుపరచడానికి కూడా దోహదం చేస్తాయని బ్రౌన్ చెప్పారు.

చివరగా, జబ్బుపడిన రోగి నుండి కొత్త వైరస్ వేరుచేయబడినప్పుడు, అది ఇప్పటికే ఎక్కడైనా కనుగొనబడిందో లేదో పరిశోధకులు మరింత సులభంగా చెప్పగలరు. “మేము ఈ [డేటాబేస్]ను ఒక పెద్ద వైరస్ నిఘా నెట్‌వర్క్‌గా మార్చాము,” అని బాబయన్ చెప్పారు.ఈ అధ్యయనంలో గతంలో ఊహించని కొన్ని అనూహ్య మైన అంశాలు వెలుగులోకి వస్తున్నాయని ఉదాహరణకు ఫుగూ ఫిష్ మరియు ఆక్సోలోట్‌లలో గతంలో తెలియని కరోనావైరస్ లు వంటివి ఇలా వెలుగు చూసాయని తెలిపారు. మరి కొన్ని సందర్భాల్లో, పరిశోధకులు మొత్తం వైరస్ కి సంబంధించి వేర్వేరు జన్యు క్రమాలలో ఉన్న జన్యువులను ఒక చోటికి చేర్చడం ద్వారా సదరు వైరస్ కి సంబంధించిన పూర్తి సమాచారాన్ని గుర్తించవచ్చని కూడా ఆయన తెలిపారు.

కొన్ని జలచరాలలో విలక్షణ కరోనావైరస్ జన్యువుకు రెండు వేర్వేరు లూప్‌లు ఉన్నాయని తాజా పరిశోధనల సీక్వెన్సులు సూచించాయని, అవి సాధారణ సింగిల్ RNA స్ట్రాండ్ కాదని Babaian మరియు అతని సహచరులు నివేదించారు. బాబయన్ బృందం బాక్టీరియాకు సోకినట్లు మరియు ఆల్గేలో కనిపించే వాటిని పోలిన 250 కంటే ఎక్కువ జెయింట్ వైరస్‌లను కూడా గుర్తించింది. బాక్టీరియోఫేజ్ వైరల్ సమూహం యొక్క సభ్యులు, ఈ “భారీ ఫేజ్‌ల” తో సన్నిహిత లక్షణాలు కలిగిన వైరస్ సముదాయాలను గుర్తించినట్టు తెలిపారు. ఉదాహరణకు బంగ్లాదేశ్‌లోని ఒక వ్యక్తిలో మరియు యునైటెడ్ కింగ్‌డమ్‌లోని పిల్లులు మరియు కుక్కలలో ఒక భారీ ఫేజ్‌ల సమూహం కనుగొనబడింది.

ఈ వైరస్‌లు వాటికి ఆతిధ్యం ఇస్తున్న జాతుల మధ్య గల జన్యువులను తీసుకువెళ్లేంత పెద్దవని బాబయన్ వెల్లడించారు. అందువల్లనే వైరస్‌ల విషయంలో “మనం త్రవ్వడం ప్రారంభించిన ప్రతిసారీ, మనకు ఆశ్చర్యం కలుగుతుంది.” అని దస్జాక్ చెప్పారు. తాము సాగిస్తున్న పరిశోధనలతో ఇతరులు కూడా ప్రయోజనం పొందటానికి వీలుగా Babaian బృందం ఫలితాలతో పాటు అది అభివృద్ధి చేసిన సాధనాల యొక్క పబ్లిక్ రిపోజిటరీని సృష్టించింది.

క్లౌడ్-ఆధారిత, పబ్లిక్‌గా అందుబాటులో ఉన్న DNA సీక్వెన్స్‌ల సమాచారం విపరీతంగా విస్తరిస్తోంది. వచ్చే ఏడాది అదే విశ్లేషణ చేస్తే, బాబయన్ వందల వేల RNA వైరస్‌లను కనుగొనగలనని ఆశిస్తున్నట్లు చెప్పారు. “దశాబ్దం చివరి నాటికి, నేను 100 మిలియన్లకు పైగా వైరస్ లను గుర్తించాలనుకుంటున్నాన”ని తెలిపారు.

తెలుగడ్డా ప్రత్యేక కథనం

Also Read…

కొత్త Omicron BA.2 త్వరగా వ్యాప్తి చెందుతోంది…

Today International News

LEAVE A REPLY

Please enter your comment!
Please enter your name here